Careercouns IT - WWW.JOBKAVALI.TK

If you are searching for any freshers vacancy or job search portal, then we have a list to help you out

Breaking

ఏపీ డీఎస్సీ ప్రత్యేకం ఏపీ ఎస్సై ప్రాథమిక రాత పరీక్ష ప్ర‌శ్న‌ప‌త్రం ఏపీపీఎస్‌సీ హార్టిక‌ల్చ‌ర్ ఆఫీస‌ర్ 309 ఏఈఈలు 24 ఎఫ్ఆర్వోలు 23 ఏఎంవీఐలు బ్యాంక్ ఆఫ్ బ‌రోడాలో 913 స్పెష‌లిస్ట్ ఆఫీస‌ర్లు కెన‌రా బ్యాంకులో 800 పీవోలు ఏపీలో పోలీసు ఉద్యోగాలు: 2723 కానిస్టేబుళ్లు 334 ఎస్ఐలు న్యూఇండియా అస్యూరెన్స్‌లో 312 ఏవోలు ఐబీపీఎస్‌లో 1599 స్పెష‌లిస్ట్ ఆఫీసర్లు ఐబీలో 1054 సెక్యూరిటీ అసిస్టెంట్లు

ads

మీకోసమే... ఈ పోర్టల్



పదో తరగతిలో మంచి మార్కులు రావాలి.

ఇంటర్మీడియట్ లో ఇష్టమైన ర్యాంకు కావాలి.

ఎంసెట్ తో ఎంచుకున్న సీటు కొట్టాలి.

ఇవన్నీ జరగాలంటే ... మంచి గైడెన్స్ కావాలి.

నాణ్యమైన మెటీరియల్ కావాలి.

అందుకు నమ్మకమైన మార్గదర్శి కావాలి.

అలాంటి ఆన్ లైన్ మాస్టారు... ఈనాడు ప్రతిభ.నెట్

టెన్త్, ఇంటర్మీడియట్లలో ఉన్న కొండంత సిలబస్ నుంచి

అర్థంకాని అంశాలను వివరించి... విశ్లేషించే పాఠ్యభాగాలు.

సంవత్సరాంత పరీక్షల్లో మంచి మార్కులు సంపాదించుకోవడానికి సహకరించేందుకు నిపుణులు రూపొందించిన ముఖ్యమైన ప్రశ్నలు - జవాబులు.

ప్రతిపాఠం నుంచి ముఖ్యమైన బిట్లు, పాఠంపై అవగాహనను

అంచనావేసుకోవడానికి స్వీయపరీక్షలు అందించే

ప్రతి ఇంట పాఠశాల... ఈనాడు ప్రతిభ.నెట్

తర్వాత...

డిగ్రీలో ఏం చదవాలి? డిగ్రీ కాకుండా ఏం చేయాలి?

వృత్తి విద్యకు దారులెన్ని? ఉన్నత విద్యకున్న మార్గాలేమిటి?

ఎన్ని రకాల ఉద్యోగాలున్నాయి? ఏయే పోటీ పరీక్షలున్నాయి?

వాటికోసం ఏమేం చదవాలి? ఎక్కడ మొదలు పెట్టాలి?

ఎలా చదవాలి? ఏ క్రమంలో చదవాలి?

ఇన్ని ప్రశ్నలకు అన్ని సమాధానాలను అందిస్తుంది.... ఈనాడు ప్రతిభ.నెట్

ఎంతచదివినా...

ప్రశ్నలు ఎలా వస్తాయో?

పేపర్ ఎలా ఉంటుందో?

మన ప్రిపరేషన్ స్థాయి ఎలా ఉందో ?

మోడల్ పేపర్లు ఉంటే మేలు! అని ఆలోచిస్తున్నారా?

అందుకోసమే ఆన్ లైన్ పరీక్షలను సిద్ధం చేస్తోంది ఈనాడు ప్రతిభ .నెట్.

ఎవరైనా ... ఎన్నిసార్లయినా ఆన్ లైన్ పరీక్షలు రాసుకోవచ్చు.

అన్నింటినీ ఒకే చోట అందించే ఫలితాలు.

ఉన్నత విద్యకోసం వెలువడే నోటిఫికేషన్లు....

ప్రభుత్వ, ప్రైవేటు ఉద్యోగాల ప్రకటనలు....

స్కాలర్ షిప్ లు... ఫెలోషిప్ ల వివరాలు...

ఉద్యోగాలకు అవసరమైన నైపుణ్యాలను అందించి

ఉన్నతస్థాయికి చేరేందుకు సహకరించే 'సాఫ్ట్ స్కిల్స్'.

ఎంత చదివినా ఇంకా మిగిలిపోయే సందేహాలకు

సమాధానాలను ఇచ్చే నిపుణుల వేదిక ఆస్క్ ది ఎక్స్ పర్ట్!

ఇలా అన్నిరకాలుగా విద్యార్థులకు, ఉద్యోగార్థులకు అండగా ఉండే

విద్యాఉద్యోగాల సమగ్ర సమాచార సమాహారం ఈనాడు ప్రతిభ.నెట్.

మీమీ లక్ష్యాల సాధనలో అన్నివేళల ఆన్ లైన్ లో తోడుంటుంది.

అందరికీ ఆల్ ద బెస్ట్.!



కొత్త కొలువుల కోసం కొత్తకొత్తగా..
కొత్త సంవత్సరంలో కొత్తగా ఒక ఉద్యోగాన్ని సాధించలేమా..? కాస్త కృషి చేస్తే తప్పక సాధించవచ్చు.? ఇప్పటికే ఏదో ఒక రంగంలో అనుభవం ఉంటే మంచిది. లేకున్నా ఫర్వాలేదు. కాస్త కష్టపడితే చాలు. ఈ రోజుల్లో ఏ ఉద్యోగానికి దరఖాస్తు చేసినా.. ప్రతిభతో పాటు ఆ రంగంలో కాస్తో కూస్తో అనుభవం ఉన్నవారికే ప్రాధాన్యం ఉంటోంది.
read more-->
కొత్త సంవత్సరంలో కొలువు పట్టేయండి
కొత్త సంవత్సరంలో కొత్తగా ఒక ఉద్యోగాన్ని సాధించలేమా..? కాస్త కృషి చేస్తే తప్పక సాధించవచ్చు.? ఇప్పటికే ఏదో ఒక రంగంలో అనుభవం ఉంటే మంచిది. లేకున్నా ఫర్వాలేదు. కాస్త కష్టపడితే చాలు. ఈ రోజుల్లో ఏ ఉద్యోగానికి దరఖాస్తు చేసినా..
read more-->
మాయ చేయొద్దు..! దొరికిపోతారు!
ఒక సంస్థ ఉద్యోగం ఇవ్వాలంటే.. మొదట మిమ్మల్ని నిజాయతీపరుడని నమ్మాలి. ఆ నమ్మకం కుదిరినపుడే మీకు అవకాశమిస్తుంది. అలా కాకుండా మీరు మోసం చేస్తారు.. మోసం చేసే అవకాశముంది.. అని భావిస్తే..
read more-->
'నూతన' మార్గం సిద్ధం చేసుకోండి!
మరో రెండు వారాలు గడిస్తే.. ఈ ఏడాది పూర్తయిపోతుంది. కొత్త సంవత్సరం వచ్చేస్తుంది. పైగా 2015లో ఉద్యోగ అవకాశాలు మెరుగ్గా ఉంటాయని పలు అధ్యయన సంస్థలు చెబుతున్నాయి. ఈ నేపథ్యంలో ఉద్యోగం కోసం వెదుకుతున్న వారు ఎక్కువ మంది..
read more-->
లక్ష్యాలు నిర్దేశించుకోండి!
కష్టపడి పని చేస్తే.. విజయం దక్కుతుంది. అనుకున్నవాటిని సాధించవచ్చు. కాని కొందరు కష్టపడి పని చేస్తున్నా.. వృత్తిగతంగా ఏర్పరచుకున్న లక్ష్యాలను సాధించలేకపోవచ్చు. సంస్థ నిర్దేశించిన లక్ష్యాలను చేరుకోకపోవచ్చు.
read more-->
వీడియో ఇంటర్వ్యూ ఇలా విజయవంతం
హైదరాబాద్‌లో ఉంటున్న సత్య ఢిల్లీకి చెందిన కంపెనీలో ఓ ఉద్యోగానికి దరఖాస్తు చేశాడు. అతని అర్హతలు, నైపుణ్యాలు రిక్రూటర్లకు నచ్చాయి. దీంతో వాళ్లు ఇంటర్వ్యూకి సంబంధించిన కబురు పంపారు. మర్నాడు ఉదయం పదకొండు గంటలకు ఆన్‌లైన్‌లో ఇంటర్వ్యూ ఉంటుందని చెప్పారు.
read more-->
ఒక్కో కొలువుకు ఒక్కో విధంగా
రవి ఇప్పటికే ఒక సంస్థలో పని చేస్తున్నాడు. మంచి ఉద్యోగ అనుభవం ఉంది. దీంతో తన అనుభవం అర్హతలకు తగినట్లు ఎప్పటికప్పుడు రెజ్యూమెను తాజా పరచుకొంటూ ఉన్నాడు. అర్హతలకు తగిన ఉద్యోగాలకు సంబంధించిన ప్రకటనలు
read more-->
పట్టా కాదు పట్టూ ఉండాలి
మరికొద్ది రోజుల్లో ఇంటర్వ్యూకి హాజరుకావాల్సి ఉంది. ఈ తరుణంలో కొంత మంది, ''నాకు అన్నీ తెలుసు కనుక ప్రత్యేకంగా సన్నద్ధం కావాల్సిన అవసరం లేదు..'' అనుకుంటారు. మరికొందరేమో అసలు ఇంటర్వ్యూలో ఎలాంటి ప్రశ్నలు అడుగుతారో అవగాహన లేక మిన్నకుండిపోతారు.
read more-->
శె'భాస్‌' అనిపించుకోవాలంటే..!
ఉద్యోగంలో చేరి ఏళ్లు గడిచిపోయాయి. గతంతో పోల్చితే బాగా పని చేయడం లేదని బాస్‌ వ్యాఖ్యలు. బాగా పని చేస్తున్నామని అనుకుంటున్నా.. సమీక్ష వద్దకు వచ్చేసరికి ఆశించిన మార్కులు లేదా గ్రేడ్‌ రావడం లేదు. ఈ పరిస్థితి నుంచి బయటపడాలని ఎంత ప్రయత్నించినా కుదరడం లేదు..!
read more-->
ఆ విషయం గుర్తుందా!
ఉద్యోగాల కోసం పత్రికలు, ఇతర ప్రకటనలతో పాటు.. ఆన్‌లైన్‌లోనూ వెదికేవారి సంఖ్య బాగా పెరిగింది. ఉన్నత చదువులు పూర్తి చేసిన ప్రతి వ్యక్తీ ఉద్యోగాల కోసం ఆన్‌లైన్‌లో అన్వేషిస్తున్నారు. ఈ అన్వేషణ ఫలించాలంటే.. కాస్త నేర్పుగా వ్యవహరించాలి.
read more-->
'స్మార్ట్‌'గా అన్వేషిద్దాం
రోజులు మారాయి. ఉద్యోగ అవకాశాలకు సంబంధించిన సమస్త సమాచారం ప్రస్తుతం అరచేతిలో అందుబాటులోకి వచ్చేస్తోంది. ఆన్‌లైన్‌, ఇతర వేదికలపై ప్రకటనలకు తోడు విస్తృతంగా మొబైల్‌ యాప్స్‌ కూడా ఉద్యోగ అవకాశాలకు సంబంధించిన సమాచారాన్ని అందిస్తున్నాయి.
read more-->
దూసుకెళ్తాం.. దుమ్మురేపుతాం
ఉద్యోగం వస్తే చాలు దూసుకెళ్లడానికి సిద్ధంగా ఉంది నవతరం. 30 ఏళ్లు ఆపై వయసు వారితో పోల్చితే పాతికేళ్లలోపు వయసున్న యువతరం వృత్తిగతంగా దూకుడుగా వ్యవహరిస్తోంది. అన్ని రంగాల్లోనూ సీనియర్లతో పోటీ పడుతూ సంస్థలో..
read more-->
ఎక్కడి పనులు అక్కడే
ప్రస్తుతం దాదాపు ప్రతి ఉద్యోగికీ ఇల్లు.. కార్యాలయం తేడా లేదు. కార్యాలయంలో ఏ పనులు చేస్తారో అవన్నీ ఇంట్లో కూడా చేసుకొనేలా సకల వసతులూ సిద్ధంగా ఉంటున్నాయి. దీంతో వృత్తి రీత్యా అటు సంస్థకు..
read more-->
శిక్షణకాలంలోనే సాధించాలి
విద్యార్థి.. లేదా ఉద్యోగం కోసం అన్వేషిస్తున్న దశలో కీలకమైనది ఇంటర్న్‌షిప్‌ ఆశించిన ఉద్యోగం సాధించేందుకు ముందు ఎక్కువ మంది మంచి శిక్షణ కోసం ఎదురు చూస్తుంటారు. ఎందుకంటే ప్రస్తుతం ఏ ఉద్యోగానికి ప్రయత్నించినా.. ఎంతో కొంత నైపుణ్యం.. ప్రతిభ.. అనుభవం తప్పనిసరి. ఇప్పటికే ఉద్యోగాల్లో కుదురుకున్న వారికి ఇలాంటివి సాధారణ విషయాలే.
read more-->
ప్రత్యేక లక్షణాలుంటేనే..!
ఒక ఉద్యోగానికి పది మంది దరఖాస్తు చేశారు. అందరిలోనూ సమాన స్థాయిలో ప్రతిభ, నైపుణ్యాలు, అర్హతలు ఉన్నాయి. కాని సదరు సంస్థకు కావాల్సింది మాత్రం ఒక్కరే. ఇలాంటి పరిస్థితి దాదాపు ప్రతి సంస్థలోనూ నిత్యం ఎదురవుతూనే ఉంటుంది. ఈ పరిస్థితుల్లోనే సంస్థలు అర్హతలు, నైపుణ్యాలు, ప్రతిభలతో పాటు వ్యక్తిలోని ప్రత్యేక లక్షణాలను..
read more-->
అలా నింపితే చాలదు
ఉద్యోగ అన్వేషణలో తొలి దశ దరఖాస్తు నింపడం. ఏ ఉద్యోగానికైనా ఇది తప్పనిసరి ప్రక్రియ. దీని తర్వాతే పరీక్షలు, ఫోన్‌ ఇంటర్వ్యూలు, బృంద చర్చలు, ముఖాముఖీలు. ఈ తొలిదశలో పక్కాగా వ్యవహరిస్తేనే కొలువు సాకారమయ్యే అవకాశాలు పెరుగుతాయి. ఎక్కువ మంది అప్లికేషన్‌ను నింపే విధానం సరిగ్గా తెలియక..
read more-->
సాధారణ డిగ్రీతోనూ మంచి కొలువులు
సాధారణ డిగ్రీ పూర్తి చేసిన వారికి ఈ రోజుల్లో ఏం ఉద్యోగాలు వస్తాయి.. అనుకుంటూ నిరాశపడవద్దు. మారుతున్న కాలానికి తగినట్లు సాధారణ డిగ్రీ పూర్తి చేసిన వారికి కూడా బోలెడన్ని ఉద్యోగ అవకాశాలున్నాయి. ఎంచుకున్న రంగంలో పట్టు,
read more-->
పోస్ట్‌తో జాగ్రత్త!
ఫేస్‌బుక్‌లో ఓ పోస్ట్‌..
ట్విటర్లో ఓ కామెంట్‌..
గూగుల్‌ ప్లస్‌లో ఓ ఫొటో ..
ఇవి ఏవైనా సరే.. మీ కలల ఉద్యోగానికి ఎసరుపెట్టవచ్చు. దాదాపు ఖాయమైన ఉద్యోగాన్ని దూరం చేయొచ్చు.
read more-->
ముందు అధ్యయనం చేయండి
ఇంటర్వ్యూ.. ఉద్యోగ సాధనలో చివరి దశ. ఇక్కడ నెగ్గితే చాలు దాదాపు ఉద్యోగం వచ్చేసినట్టే. అందువల్ల ఏ ఉద్యోగమైనా సరే.. మౌఖిక పరీక్ష చాలా కీలకం. రాతపరీక్ష.. ఇతర అంశాలతో పోల్చితే మౌఖిక పరీక్ష ఎక్కువ కష్టంగా ఉండదు. కాని విజయవంతమయ్యేది మాత్రం కొందరే.
read more-->
నేరుగా మాట్లాడేది 60 శాతమే
కార్యాలయంలో సాధారణంగా ఉద్యోగుల తీరు ఒకొక్కరిది ఒక్కో విధంగా ఉంటుంది. విదేశాలతో పోల్చితే వైవిధ్యంగా ఉంటుంది. ఉద్యోగుల మధ్య వస్త్రధారణ, కమ్యూనికేషన్‌, పని చేసే తీరు, సహోద్యోగులను పట్టించుకొనే వైఖరి ఏమేరకు ఉందనేది ఆసక్తికరం.
read more-->
కొలువొచ్చిన కొత్తలో..
వృత్తిగత జీవితంలో ప్రతి క్షణమూ కీలకం. వృత్తిపరంగా నిత్యం మార్పులు జరుగుతూనే ఉంటాయి. కొత్త పోకడలు వస్తూనే ఉంటాయి. వాటికి అలవాటుపడుతూ ముందుకు వెళ్లడమే మంచి ఉద్యోగి లక్షణం. ముఖ్యంగా వృత్తిజీవితంలో సకాలంలో అభివృద్ధిని,
read more-->
కొలువులో ఖుషీ
ఉద్యోగులంతా మనస్ఫూర్తిగానే పని చేస్తున్నారా?చేస్తున్న పనిలో అందరికీ సంతృప్తి లభిస్తోందా?పనిని ఆస్వాదించే వారు ఎందరు?ఉద్యోగాన్ని భారంగా భావిస్తున్న వారు ఎవరు?కార్యాలయంలో ఎవరు ఎలాంటి మార్పులు కోరుకుంటున్నారు?
read more-->
విజేతల తీరే వేరు
సహోద్యోగో.. సహచరుడో.. గొప్ప విజయాన్ని సాధిస్తే.. ఆయన అదృష్టం బాగుంది. అందువల్లే ఆయనకు ఆ విజయం దక్కిందని చాలా మంది భావిస్తూ ఉంటారు.
read more-->

అవాస్తవాలు వద్దు
రెజ్యూమె.. ఇది మీ వ్యక్తిత్వానికి ప్రతిబింబం. మీ ప్రతిభ, నైపుణ్యాలు, విద్యార్హతలు, అనుభవానికి దర్పణం. ఉద్యోగ అన్వేషణలో చాలా కీలకం. అయినా కొంత మంది రెజ్యూమెలో అవాస్తవాలు ప్రస్తావించి లేనిపోని చిక్కులు కొని తెచ్చుకుంటున్నారు.
read more-->

ఐటీ అంటే కోడింగ్‌ ఒక్కటే కాదు
ఐటీ.. ఈ పేరు వింటే చాలు.. ఇది ప్రోగ్రామింగ్‌.. కోడింగ్‌లకు మాత్రమే సంబంధించిందని చాలా మంది భావిస్తూ ఉంటారు. ఈ పరిశ్రమలో ప్రోగ్రామింగ్‌, కోడింగ్‌ కీలకమే. ఇవే కాకుండా ఇతరత్రా ఉద్యోగాలూ ఇక్కడ ఉంటాయి.
read more-->

ఏ రంగాన్ని ఎంచుకుంటారు?
వృత్తి జీవితంలో అడుగుపెట్టాలన్న వారికి మార్కెట్‌లో అనేక అవకాశాలు కన్పిస్తుంటాయి. ఏ రంగంలోకి వెళ్లాలి... ఆయా రంగాల్లో అవకాశాలు ఎలా ఉంటాయనే దానిపై పలు రకాలుగా సందేహాలు వస్తుంటాయి.
read more-->

చూడగానే ఆకట్టుకోవాలి
రెజ్యూమె.. దీన్ని రూపొందించడం ఒక కళ. మీ రెజ్యూమె మీకంటూ ఒక ప్రత్యేకతను తెచ్చిపెట్టాలి. అలా కాకుండా నెట్‌లోనో.. లేక మరెక్కడో చూసో.. ఇతరుల సాయంతోనో దీన్ని ఏదో ఒకలాగా రూపొందిస్తే మీకు ఉద్యోగ అవకాశాలు తగ్గిపోతాయి.
read more-->

ఇంటర్న్‌షిప్‌పై దృష్టి సారించండి
ప్రముఖ సంస్థలు ఇటీవల కాలంలో ఇంటర్న్‌షిప్‌కు ప్రాధాన్యం ఇస్తున్నాయి. ఇంటర్న్‌షిప్‌ కార్యక్రమం కోసం సాధారణంగా సంస్థలు క్యాంపస్‌ల నుంచి అభ్యర్థులని ఎంపిక చేస్తుంటాయి. శిక్షణ పూర్తయ్యే సరికి సంస్థలో పూర్తి స్థాయి బాధ్యతలు అందుకోగలరా అనే కోణంలో పరిశీలించి మరీ ఎంపిక చేస్తారు.
read more-->

క్లయింట్లను కట్టిపడేసే వారికే కొలువులు
పోటీ ప్రపంచంలో భావ వ్యక్తీకరణ నైపుణ్యాలు అధికంగా ఉన్నవారి వైపే సంస్థలు చూస్తున్నాయి. ఇలాంటి అభ్యర్థులకు మంచి భవిష్యత్తు ఉండడమేకాదు ఉన్నతస్థానాలకూ త్వరగా చేరుకోగలరని నిపుణులు చెబుతున్నారు. సంస్థ నాణ్యమైన ఉత్పత్తులు చేయడంతోనే మనుగడ సాధించలేదు.
read more-->

ఉందిలే మంచికాలం
ఉద్యోగాల కోసం అన్వేషిస్తున్నవారికి ఈ ఏడాది కలిసివచ్చేలా ఉంది. ఆ ఆర్థిక సంవత్సరంలో ఉద్యోగులను పెంచేందుకు ఎక్కువ సంస్థలు కసరత్తు చేస్తున్నాయి. హెడ్‌హోంకోస్‌ డాట్‌ కామ్‌ అనే వెబ్‌సైట్‌ దేశ వ్యాప్తంగా పలు సంస్థల్లో సర్వే నిర్వహించింది. ఇందులో 84.1 శాతం సంస్థలు ఈ ఏడాది కొత్తగా ఉద్యోగాలు ఇవ్వాలని భావిస్తున్నాయి.
read more-->

అన్వేషణ మారింది!
ప్రతిభ, నైపుణ్యాలకు తగినట్లు ఆయా రంగాలపై అవగాహన.. కొత్తగా చోటు చేసుకొంటున్న మార్పులను గుర్తిస్తే చాలు ఈ రోజుల్లో ఉద్యోగం సాధించడం పెద్ద కష్టమేమీ కాదంటున్నారు నిపుణులు. మరికొద్ది రోజుల్లో పెద్దఎత్తున నియామకాలు మొదలయ్యే సూచనలు కనిపిస్తుండటంతో..
read more-->

అంకిత భావం పెరుగుతోంది..!
అంకిత భావం.. ఆసక్తి.. ఈ రెండూ చాలు ఉద్యోగంలో రాణించడానికి. ప్రస్తుతం దేశంలోని ఉద్యోగుల్లో క్రమంగా ఇవి పెరుగుతున్నాయి. ప్రతి ఇద్దరు ఉద్యోగుల్లో ఒకరు ఉద్యోగంపై మక్కువ పెంచుకోవడంతో పాటు.. సంస్థ పట్ల అంకితభావంతో పని చేస్తున్నారు. ఈ మేరకు కెల్లీ గ్లోబల్‌ వర్క్‌ ఫోర్స్‌ ఇండెక్స్‌ తాజాగా వెల్లడించింది.
read more-->

భవిష్యత్‌.. ఇక సుస్థిరం
అభివృద్ధి.. యువతకు ఉపాధి అవకాశాల జపం పఠించిన భాజపాకు కేంద్రంలో సుస్థిర ప్రభుత్వం ఏర్పాటు చేసే అవకాశం దక్కింది. దాదాపు 30 ఏళ్ల తర్వాత సుస్థిర ప్రభుత్వం ఏర్పాటవుతోంది. యువతకు ఉపాధి.. ఉద్యోగాలకు పెద్దపీట వేస్తామని ప్రధాని కానున్న మోడీ చెబుతున్నారు.
read more-->

గ్రాఫ్‌ పడనీయొద్దు..!
వృత్తి జీవితంలో అడుగుపెట్టిన ప్రతి ఒక్కరూ త్వరత్వరగా ఉన్నత స్థానాలు చేరుకోవాలని ఆశిస్తుంటారు. కార్యాలయంలో అడుగు పెట్టినప్పటి నుంచి ఆ దిశగా కసరత్తు చేస్తూనే ఉంటారు. ఇందుకోసం సకాలంలో లక్ష్యాలు చేరుకోవడం.. బాస్‌ అప్పగించిన అదనపు బాధ్యతలు సక్రమంగా చేపట్టడం వంటివి చేయడంతోపాటు సీనియర్ల సలహాలు పాటించాలని నిపుణులు చెబుతున్నారు.
read more-->

గుర్తిస్తేనే.. అధిక ప్రయోజనం
సంస్థలు ఉద్యోగుల్లో ప్రతిభను కాస్త గుర్తించి ప్రోత్సహిస్తే చాలు.. సంస్థల అభివృద్ధికి అహర్నిశలు కృషి చేస్తామంటున్నారు భారత ఉద్యోగులు. ప్రపంచ వ్యాప్తంగా మిగతా దేశాలతో పోల్చితే ఈ ధోరణి మన దేశంలో ఎక్కువగా ఉంది. సంస్థలు ఉద్యోగుల ఆలోచనలకు ఎంత ప్రాధాన్యం ఇస్తే.. .

read more-->

డిజిటల్‌ యువతదే భవిత
పుస్తకాలతో కుస్తీ పట్టి మౌఖిక పరీక్షలకు గజినీలా దండయాత్రలు చేస్తేనే కానీ వృత్తిజీవితంలోకి అడుగుపెట్టడం సాధ్యమయ్యేది కాదు.. నాటి తరం పరిస్థితి ఇది.. మరి నేటి తరం వారిదో.. ఇంటి దగ్గరే కూర్చొని సామాజిక వేదికల్లో రెజ్యూమెను అప్‌డేట్‌ చేసి రిక్రూటర్ల పిలుపు కోసం ఎదురు చూస్తున్నారు. ఇదంతా అభివృద్ధి చెందిన సాంకేతికత పుణ్యమైతే.. దాన్ని అందిపుచ్చుకొని దూసుకెళ్తోంది మిలీనియం జనరేషన్‌.
read more-->

జాబుదొంగలతో.. జాగ్రత్త!
చదువులు పూర్తి చేసుకొని ఉద్యోగం కోసం హైదరాబాద్‌కు వచ్చింది ఓ యువతి. సికింద్రాబాద్‌ స్టేషన్‌లో ఆమె రైలు దిగిందో లేదో.. ఆమెకు ఆర్బీఐ ఉద్యోగి తారసపడ్డాడు. అతను తన గుర్తింపు కార్డు చూపి.. తాను ఉద్యోగాలు ఇప్పిస్తుంటానని నమ్మబలికాడు. చేతిలో ఉన్న నకిలీ దరఖాస్తులు ఇచ్చి వాటిని నింపమని కోరాడు. తర్వాత ఆమెతో పరిచయం పెంచుకున్నాడు.
read more-->

పదోన్నతిపై సందేహాలా!
ఉద్యోగ అన్వేషణలో ఇంటర్వ్యూ దశ కీలకం. ఇక్కడ విజయం సాధిస్తే.. దాదాపు కొలువు సాకారమైనట్టే. అయితే ఈ దశ ఎంత కీలకమో.. దీన్ని విజయవంతంగా అధిగమించడం అంతే కష్టం. అన్ని ఉద్యోగాలకూ పోటీ పెరిగిన ప్రస్తుత తరుణంలో ఇంటర్వ్యూలో నెగ్గాలంటే అసాధారణ ప్రతిభను.. నైపుణ్యాలను..
read more-->

కొలువుంది.. కానీ
ఉద్యోగం కోసం అన్వేషిస్తున్న వారికి శుభవార్త. ఈ ఏడాది దేశ వ్యాప్తంగా ఉద్యోగ అవకాశాలు పెరగనున్నాయి. ముఖ్యంగా ఐటీ, ఔషధ (ఫార్మాస్యూటికల్‌) రంగాల్లో ఉపాధి అవకాశాలు మెరుగ్గా ఉంటాయని నిపుణులు భావిస్తున్నారు. ఈ అంశంపై జాబ్‌ పోర్టల్‌ నౌకరీ డాట్‌కామ్‌..
read more-->

పదోన్నతిపై సందేహాలా!
పదోన్నతి... వృత్తి జీవితంలోకి అడుగుపెట్టినప్పటి నుంచి ప్రతి ఒక్కరి లక్ష్యమూ ఇదే. కెరియర్‌లో దూసుకెళ్లాలని, సకాలంలో పదోన్నతులు పొంది ఉన్నతస్థానాలకు వేగంగా చేరాలని భావిస్తుంటారు. మీలోని నైపుణ్యాలు, సామర్థ్యం పట్ల మీకు నమ్మకం ఉంటే ఏమీ ఆశించకుండానే నలుగురిలోనూ గుర్తింపు పొందుతారు.
read more-->

కొలువులున్నాయి కానీ!
ఒకపక్క బోలెడు ఉద్యోగ అవకాశాలు. సరిపడా నిపుణులు లేక ప్రతిభావంతుల కోసం సంస్థల గాలింపు.మరోపక్క సరైన ఉద్యోగం లేక మంచి కొలువు కోసం యువత అన్వేషణ.ఇదీ కొన్నేళ్లుగా దేశంలో వింత పరిస్థితి.
read more-->

దృష్టి సారిస్తున్నారా...!
కార్యాలయంలో అన్ని వేళలా పని మీద దృష్టి సారించడం కష్టసాధ్యమే. సహచరులతో పిచ్చాపాటీ, స్నేహితుల ఫోన్లతో పూర్తి స్థాయి సమయాన్ని పనికి కేటాయించని వారికీ కొదవలేదు. ఎంత దృష్టి పెట్టాలన్న ఏదో ఒక సందర్భంలో దృష్టి మరల్చడం తప్పదు.
read more-->

ఇంటర్వ్యూ అయ్యాక..!
ఉద్యోగ సాధనలో కీలక దశ ఇంటర్వ్యూ. ఈ దశకు చేరుకోవడం ఎంత కష్టమో.. దీన్ని దిగ్విజయంగా పూర్తి చేయడం కూడా అంతే కష్టం. ముఖాముఖి పరీక్షలో విజయం సాధించినా తర్వాత కొన్ని అంశాలను పాటించాల్సి ఉంటుంది.
read more-->

సమష్టితత్వంతోనే గెలుపు
మీరు ఓ ప్రాజెక్టులో బృంద సభ్యుడు. అన్ని బాధ్యతలు ప్రాజెక్టు మేనేజరు చూసుకుంటారు.. మనకు అప్పగించిన పని చేసుకుంటే చాలు అనుకోవడం పొరపాటు.
read more-->

నైపుణ్యాలపై గురి పెట్టండి
పట్టభద్రులు ఉన్నత విద్యలో మంచి మార్కులు సాధించినంత మాత్రాన వృత్తి జీవితంలోకి సులభంగా అడుగుపెట్టొచ్చని భావించడం సరికాదు.
read more-->

వివరంగా తెలుసుకోండి
ఉద్యోగ ప్రకటనల్లో ఉద్యోగ వివరణ లేకున్నా.. సరిగ్గా అర్థం కాకున్నా సదరు ప్రకటన విడుదల చేసిన సంస్థకు ఫోన్‌ చేసో లేదా మెయిల్‌ ద్వారానో ఉద్యోగ వివరణను తెలుసుకోవడం అవసరం. లేదంటే మీ ప్రయత్నాలు వృథా ప్రయాస అవుతాయి.
ఉద్యోగం కోసం దరఖాస్తు చేస్తున్నారా..!
read more-->

అందిపుచ్చుకోండి
ప్రారంభస్థాయి ఉద్యోగాలకు దేశంలో డిమాండు పెరిగిందని ఓ సంస్థ చేసిన సర్వేలో వెల్లడయింది. అయినప్పటికీ ఉద్యోగాల కల్పనలో మాత్రం ఏటేటా ఆ సంఖ్య తగ్గుతోంది. 2012లో 5.52లక్షల ప్రారంభ స్థాయి ఉద్యోగాల కల్పన జరిగితే 2013లో ఆ సంఖ్య 5.5 లక్షలకు తగ్గింది.
read more-->

ఈ ప్రత్యేకతలున్నాయా?
గెలుపు అందని ద్రాక్ష కాదు. అందుకోవాలంటే కాస్త కష్టపడాలంతే. ఈ కష్టానికి తోడు మరికొన్ని మంచి లక్షణాలు తోడైతే విజయాన్ని సాధించడం మరింత సులభమవుతుంది. ఈ లక్షణాల్లో కొన్ని స్వభావ రీత్యా వస్తే.. మరికొన్ని అలవరచుకోవాల్సి ఉంటుంది. ప్రతిభ, నైపుణ్యాలు, కష్టపడేతత్వం అన్నీ ప్రస్తుతం అందరిలోనూ ఉంటున్నాయి. దీంతో గెలవాలంటే మరిన్ని అదనపు లక్షణాలను వంట బట్టించుకోవాలి. ఆ లక్షణాలేంటో చూడండి మరి..!
read more-->

ఇకనైనా ప్రేమించడం మొదలుపెట్టండి
మీకు ఉద్యోగం రోజూ బోర్‌ కొడుతోందా..! అయితే ఒకసారి సానుకూలంగా ఆలోచించండి. పనిని ప్రేమించడానికి ప్రయత్నించండి. కొంచెం కష్టమే. అయినా సరే ఒక్కసారి మీరు పనిని ప్రేమించడం మొదలుపెడితే ఇక జీవితంలో మీరు చేయాల్సిన అవసరం ఉండదు. ఎందుకంటే పనిని ప్రేమించాక అసలు మీకది ఉద్యోగంలాగానే అనిపించదు. మీరు ఆ ఉద్యోగాన్ని బాగా ఆస్వాదిస్తారు. దీంతో మీ పనితీరు మెరుగవుతుంది. ఫలితంగా పదోన్నతులు..
read more-->

భావాల్ని పలికించండిలా!
వృత్తి జీవితంలోకి అడుగుపెట్టాలంటే ఏం చేయాలి?. ''అర్హత, నైపుణ్యాలతో కూడిన రెజ్యూమెను రిక్రూటర్లు ఆకట్టుకొనేలా రూపొందించాలి. మౌఖికపరీక్షకు వెళ్లడానికి కొన్ని మార్గదర్శకాలు (సమయానికి ఇంటర్వ్యూ కేంద్రానికి వెళ్లడం, హుందాగా దుస్తులు ధరించడం, రిక్రూటర్లు అడిగిన ప్రశ్నలకు సంయమనంతో సమాధానాలు చెప్పడం వంటివి) పాటించాలి'' అని అభ్యర్థులు భావిస్తుంటారు.
read more-->

గడువు తప్పొద్దు
ఎంత ప్రతిభ ఉన్నా.. ఎంత బాగా పని చేసినా.. గడువులోపు పనిని పూర్తిచేయకుంటే అన్నీ వృథా అవుతాయి. కనుక వృత్తిలో సకాలంలో పని పూర్తి చేయడం కీలకం. ఇందులో ఏమాత్రం అజాగ్రత్త వహించినా గడువు తప్పే ప్రమాదం ఉంటుంది. తరచూ ఇలా చేస్తే.. మీపై సంస్థకు విశ్వాసం సన్నగిల్లుతుంది. గొప్ప అవకాశాలూ తగ్గిపోతాయి.
read more-->
1 2 3 4 5 6 7 8 9 10 11 12

Friday

Careercouns IT

నా తమ్ముడు బీటెక్‌ (సీఎస్‌ఈ) 2015లో పూర్తిచేశాడు. తరువాత ఐబీఎంలో ఏడాదిపాటు మాన్యువల్‌ టెస్టర్‌గా పనిచేసి, మానేశాడు. ప్రస్తుతం సెలెనియం కోర్సును నేర్చుకుంటున్నాడు. దీంతోపాటు ఏం నేర్చుకుంటే అతని భవిష్యత్తు బాగుంటుంది? - కె. కులదీప్‌

ఆటోమేటెడ్‌ టెస్టింగ్‌ టూల్స్‌ రాకతో మాన్యువల్‌ టెస్టింగ్‌ నిపుణులకు అవకాశాలు తగ్గాయి. దీంతో మాన్యువల్‌ టెస్టర్స్‌ ప్రసిద్ధ ఆటోమేటెడ్‌ టెస్టింగ్‌ టూల్‌ అయిన సెలెనియాన్ని నేర్చుకుంటున్నారు. వెబ్‌ బేస్‌డ్‌ అప్లికేషన్‌ టెస్టింగ్‌కు సెలెనియం ఉపయోగకరం. టెస్టింగ్‌ రంగంలో విజయం సాధించాలనుకునేవారు సెలెనియం టూల్‌తోపాటు జావా బేసిక్స్‌పై పట్టు సాధించాలి. క్వాలిటీ అస్యూరెన్స్‌ (క్యూఏ)పై మంచి అవగాహన ఉండాలి. ఐఓఎస్‌/ ఆండ్రాయిడ్‌ అప్లికేషన్స్‌ టెస్టింగ్‌ కోసం ఉపయోగపడే ఏపీపీఐయూఎం టూల్‌ను నేర్చుకుంటే తమ ఉద్యోగావకాశాలను మెరుగుపరచుకోవచ్చు.

బీటెక్‌ (కంప్యూటర్‌సైన్స్‌) చేశాను. ఎంటెక్‌లో కంప్యూటర్‌ నెట్‌వర్క్స్‌ స్పెషలైజేషన్‌ చేయాలనుంది. దూరవిద్య ద్వారా చేసే అవకాశం ఉందా?

బీటెక్‌, ఎంటెక్‌ లాంటి వృత్తివిద్యాకోర్సులను రెగ్యులర్‌ విద్య ద్వారా అభ్యసించడం శ్రేయస్కరం. మన దేశంలో దూరవిద్య ద్వారా ఎంటెక్‌ (కంప్యూటర్‌ నెట్‌వర్క్స్‌)ను యూజీసీ లేదా ఏఐసీటీఈ ఆమోదంతో ఏ విశ్వవిద్యాలయమూ అందించడం లేదు. దేశంలో అమిటీ విశ్వవిద్యాలయం ఎంఎస్‌సీ- కంప్యూటర్‌ నెట్‌వర్క్‌ ప్లానింగ్‌ అండ్‌ డిజైన్‌ కోర్సును దూరవిద్య ద్వారా అందిస్తోంది. ఏదేని డిగ్రీ చేసినవారు ఈ కోర్సును అభ్యసించడానికి అర్హులు.

బీటెక్‌ (కంప్యూటర్‌ సైన్స్‌) 2011లో పూర్తిచేశాను. డాట్‌నెట్‌ కూడా నేర్చుకున్నాను. కానీ ఇంకా ఉద్యోగం రాలేదు. ఇంకా ఏమైనా కోర్సులు నేర్చుకుంటే మేలా? ఉద్యోగసాధనకు ఏం చేయాలో తెలపండి.

మీరు డాట్‌నెట్‌తోపాటు ఎస్‌ఏపీ, ఒరాకిల్‌ లాంటి కోర్సులు నేర్చుకోవచ్చు. స్ట్రక్చర్‌ క్వెరీ లాంగ్వేజ్‌ (ఎస్‌క్యూఎల్‌), టెస్టింగ్‌ టూల్స్‌ (మాన్యువల్‌ అండ్‌ ఆటోమేషన్‌), నెట్‌వర్కింగ్‌ లాంటి కోర్సులు నేర్చుకుంటే కెరియర్‌ అభివృద్ధికి దోహదపడతాయి. ఈ కోర్సులు నేర్చుకోవడం వల్ల మాత్రమే ఉద్యోగం సాధించలేరు. వీటితోపాటు మంచి భావప్రకటన సామర్థ్యం, ఏ సమస్యనైనా సులువుగా పరిష్కరించగలిగే సామర్థ్యం, బృందంతో కలిసి పనిచేయగల సామర్థ్యం మొదలైనవి చాలా అవసరం. సబ్జెక్టు పరిజ్ఞానం, జనరల్‌ నాలెడ్జ్‌, కరెంట్‌ అఫైర్స్‌, ఇంటర్వ్యూని ఎదుర్కొనే సామర్థ్యం మొదలైనవి ఉద్యోగసాధనకు ఉపయోగపడతాయి. .

* బీఈ (ఇన్ఫర్మేషన్‌ సైన్స్‌ అండ్‌ ఇంజినీరింగ్‌) చేస్తున్నాను. ఈ కోర్సుకు ఉన్న ఉన్నతవిద్య ఉద్యోగావకాశాలను తెలియజేయండి.

బీఈ (ఇన్ఫర్మేషన్‌ సైన్స్‌ అండ్‌ ఇంజినీరింగ్‌) చదివినవారు ఉన్నతవిద్యను అభ్యసించాలనుకుంటే మాస్టర్‌ ఆఫ్‌ టెక్నాలజీ ఇన్‌ ఇన్ఫర్మేషన్‌ టెక్నాలజీ, మాస్టర్‌ ఆఫ్‌ టెక్నాలజీ ఇన్‌ సాఫ్ట్‌వేర్‌ ఇంజినీరింగ్‌, మాస్టర్‌ ఆఫ్‌ టెక్నాలజీ ఇన్‌ నెట్‌వర్క్‌ ఇంజినీరింగ్‌, మాస్టర్‌ ఆఫ్‌ టెక్నాలజీ ఇన్‌ సాఫ్ట్‌వేర్‌ అనాలిసిస్‌ ఇంజినీరింగ్‌, మాస్టర్‌ ఆఫ్‌ టెక్నాలజీ ఇన్‌ ఇన్ఫర్మేషన్‌ సెక్యూరిటీ, మాస్టర్‌ ఆఫ్‌ బిజినెస్‌ అప్లికేషన్‌, మాస్టర్‌ ఆఫ్‌ బిజినెస్‌ అడ్మినిస్ట్రేషన్‌, మాస్టర్‌ ఆఫ్‌ కంప్యూటర్‌ అప్లికేషన్‌ మొదలైన కోర్సులు చేయడానికి అవకాశం ఉంటుంది. ఇన్ఫర్మేషన్‌ సైన్స్‌ అండ్‌ ఇంజినీరింగ్‌ ఆవశ్యకత వివిధ రకాల బిజినెస్‌ల్లో, సర్వీసుల్లో చాలా ఉంటుంది. కంప్యూటర్‌, ఫైనాన్షియల్‌ సర్వీసెస్‌, టెలి కమ్యూనికేషన్‌, బయోటెక్నాలజీ, ఈ-కామర్స్‌ సర్వీసెస్‌, డయాగ్నోస్టిక్స్‌ మొదలైన రంగాల్లో వీరికి ఉద్యోగావకాశాలుంటాయి. ఈ కోర్సు చదివినవారికి ప్రోగ్రామర్స్‌, క్వాలిటీ అనలిస్ట్‌, టెక్నాలజీ ఇంజినీర్లు, టెక్నికల్‌ అసిస్టెంట్స్‌, టెక్నికల్‌ కన్సల్టెంట్స్‌ మొదలైన ఉద్యోగావకాశాలుంటాయి. ఆఫీస్‌ ఆటోమేషన్‌, ఎక్స్‌పర్ట్‌ సిస్టమ్స్‌, డెసిషన్‌ సపోర్ట్‌ సిస్టమ్స్‌, ఆన్‌లైన్‌ పరీక్షలు- ఫలితాలు మొదలైన వాటిలో ఇన్ఫర్మేషన్‌ సైన్స్‌ ఆవశ్యకత అధికం.

* మా అమ్మాయి సీఎస్‌ఎస్‌ఈ (కంప్యూటర్‌ సైన్స్‌ అండ్‌ సిస్టమ్‌ ఇంజినీరింగ్‌) రెండో సంవత్సరం చదువుతోంది. ఈ బ్రాంచి చదివిన వారికి ఉద్యోగావకాశాలెలా ఉంటాయి? ఎంటెక్‌ చేయాలనుకుంటే ఏ స్పెషలైజేషన్‌ ఎంచుకోవాలి?

కంప్యూటర్‌ సైన్స్‌ అండ్‌ సిస్టం ఇంజినీరింగ్‌ అనేది రెండు బ్రాంచిల కలయిక. ఈ బ్రాంచి చదవడం వల్ల కంప్యూటర్‌ సైన్స్‌, సిస్టమ్‌ ఇంజినీరింగ్‌లకు సంబంధించిన స్పెషలైజేషన్స్‌లోని ఉద్యోగాలకు అర్హులవుతారు. ఎంటెక్‌ చేయాలనుకుంటే ఈ రెండు రంగాలకు సంబంధించిన స్పెషలైజేషన్లలో చేసే అవకాశం ఉంటుంది. ఈ బ్రాంచి చదివినవారికి వెబ్‌ అప్లికేషన్స్‌, కంప్యూటర్‌ గ్రాఫిక్స్‌, వీడియో గేమ్స్‌, ఎంటర్‌ప్రైజ్‌ కంప్యూటింగ్‌, ఎంబెడెడ్‌ సిస్టమ్స్‌, నెట్‌వర్క్‌ అడ్మినిస్ట్రేషన్‌, మొబైల్‌ అప్లికేషన్స్‌, కంప్యూటర్‌ విజన్‌, సైంటిఫిక్‌ మోడలింగ్‌, కంప్యూటర్‌ సెక్యూరిటీ, డేటాబేస్‌ సిస్టమ్స్‌, యానిమేషన్‌, వైర్‌లెస్‌ నెట్‌వర్క్‌, ఆర్టిఫిషియల్‌ ఇంటెలిజెన్స్‌, కంప్యూటర్‌ మానుఫాక్చరింగ్‌, కంప్యూటర్‌ ప్రోగ్రామింగ్‌, కంప్యూటేషనల్‌ బయాలజీ, సూపర్‌ కంప్యూటింగ్‌ మొదలైనరంగాల్లో అవకాశాలుంటాయి. ఈ బ్రాంచి చదివినవారు కంప్యూటర్‌ సిస్టమ్స్‌ ఇంజినీర్లుగా, కంప్యూటర్‌ సిస్టమ్స్‌ అనలిస్ట్‌గా, కంప్యూటర్‌ సిస్టమ్‌ అడ్మినిస్ట్రేటర్‌గా ఉద్యోగం చేసే అవకాశం ఉంటుంది. ఒకవేళ ఈ బ్రాంచివారు ఎంటెక్‌ చేయాలని అనుకుంటే ఎంటెక్‌- కంప్యూటర్‌సైన్స్‌, ఇన్ఫర్మేషన్‌ టెక్నాలజీ, ఇన్ఫర్మేషన్‌ స్క్రుటినీ, సాఫ్ట్‌వేర్‌ ఇంజినీరింగ్‌, డిస్ట్రిబ్యూటెడ్‌ కంప్యూటింగ్‌, ఇమేజ్‌ ప్రాసెసింగ్‌, కంప్యూటర్‌ సిస్టమ్స్‌ అండ్‌ హార్డ్‌వేర్‌, డేటాబేస్‌ అండ్‌ ఇన్ఫర్మేషన్‌ సిస్టమ్స్‌, ఆర్టిఫిషియల్‌ ఇంటెలిజెన్స్‌, అడ్వాన్స్‌డ్‌ కంప్యూటింగ్‌ మొదలైన స్పెషలైజేషన్స్‌లో మీ ఆసక్తిని బట్టి ఏదైనా స్పెషలైజేషన్‌లో ఎంటెక్‌ చేయడానికి అవకాశం ఉంటుంది.

బీటెక్‌ (సీఎస్‌ఈ) 2012లో పూర్తిచేశాను. ప్రభుత్వ ఉద్యోగం సంపాదించాలనుంది. ప్రభుత్వ రంగంలో నా బ్రాంచికి సంబంధించిన ఉద్యోగ వివరాలు తెలుపగలరు?

ప్రభుత్వ సంస్థల్లో మీరు గ్రాడ్యుయేట్‌ ఇంజినీర్‌ ట్రైనీ, ఇంజినీర్‌- ట్రైనీగా మొదలుపెట్టి జూనియర్‌ సాఫ్ట్‌వేర్‌ డెవలపర్‌, సాఫ్ట్‌వేర్‌ ఇంజినీర్‌, సిస్టం ఇంజినీర్స్‌, టీం లీడ్స్‌/ ఆర్కిటెక్ట్‌, టెక్నాలజీ అనలిస్ట్‌, డొమైన్‌ కన్సల్టెంట్స్‌, ఇండస్ట్రీస్‌ ఆఫీసర్‌ (టెక్నికల్‌), ఐటీ మేనేజర్‌, ఈఆర్‌పీ కన్సల్టెంట్‌ లాంటి వివిధ హోదాలను పొందవచ్చు. దీనికి మీరు యూపీఎస్‌సీ, పీఎస్‌సీ/ వారి (ఉదా: ఎస్‌ఎస్‌సీ, డిఫెన్స్‌ రంగాలు, రైల్వే విభాగాలు, ప్రభుత్వరంగ బ్యాంకులు) ప్రత్యేక రాతపరీక్షతో పాటు వ్యక్తిగత ముఖాముఖిల్లో అర్హత సాధించి ఉద్యోగం సంపాదించవచ్చు. నేషనల్‌ ఇన్ఫర్మాటిక్‌ సెంటర్స్‌, ఇండియన్‌ రైల్వేస్‌, ఎలక్ట్రానిక్స్‌ కార్పొరేషన్‌ ఆఫ్‌ ఇండియా లిమిటెడ్‌, డిఫెన్స్‌ ఆర్‌&డి ఆర్గనైజేషన్‌, సెంట్రల్‌ బ్యూరో ఆఫ్‌ ఇన్వెస్టిగేషన్‌, ఇంటెలిజెన్స్‌ బ్యూరో, సెంటర్‌ ఫర్‌ డెవలప్‌మెంట్‌ ఆఫ్‌ అడ్వాన్స్‌ కంప్యూటింగ్‌, భారత్‌ ఎలక్ట్రానిక్స్‌ లిమిటెడ్‌ లాంటి ఎన్నో సంస్థలు మిమ్మల్ని తీసుకుంటాయి. ఉదాహరణకు ఇస్రో వారి సైంటిస్ట్‌/ ఇంజినీరు ఉద్యోగానికి సంబంధించిన నోటిఫికేషన్‌ చదవండి. www.isac.gov.in/CentralBE-2014/advt.jsp

బీటెక్‌ (సీఎస్సీ) 2011లో పూర్తిచేశాను. ఆండ్రాయిడ్‌ అప్లికేషన్‌ డెవలప్‌మెంట్‌పై ఆసక్తి ఉంది. దాని వివరాలు, ప్రాముఖ్యం, నేర్చుకోవాల్సిన కోర్సుల వివరాలు తెలియజేయండి?

ప్రపంచవ్యాప్తంగా దాదాపు 190 దేశాల్లో 1 బిలియన్‌ మొబైళ్ళలో గూగుల్‌ ఆండ్రాయిడ్‌ సాఫ్ట్‌వేర్‌ ఉంటుంది. ఇది ఉచిత మార్కెట్‌ కావడం వల్ల ప్రతి నెలా ఆండ్రాయిడ్‌ వినియోగదారుల గేమ్స్‌, ఇతర అప్లికేషన్స్‌ కలిపి దాదాపుగా 1.5 బిలియన్‌ దాకా డౌన్‌లోడ్‌ చేస్తున్నారు. మీరు ఎలాంటి ఆండ్రాయిడ్‌ అప్లికేషన్‌ను అయినా అభివృద్ధి చేసి ఉచితంగా/ తగిన ధరను నిర్ణయించి ఈ ఓపెన్‌ మార్కెట్‌లో లాంచ్‌ చేయవచ్చు.
ముందుగా ఆబ్జెక్ట్‌ ఓరియెంటెడ్‌ ప్రోగ్రామింగ్‌ అంటే C++, జావా నేర్చుకోవాల్సి ఉంటుంది. చేయడం ద్వారా నేర్చుకోవడం మంచి పద్ధతి. సొంతంగా నేర్చుకునే అవకాశాలు/ టూల్స్‌/ వెబ్‌సైట్ల ద్వారా సొంతంగా మీకు మీరుగా చిన్న చిన్న అప్లికేషన్లను తయారుచేసి నేర్చుకుంటూ ఉండండి. డెవలపర్‌ తన నైపుణ్యాలను మెరుగుపరచుకోవడానికి గూగుల్‌ వారి http://developer.android.com/training/index.htmlతోపాటు www.udacity.com/course/ud853www.coursera.org/course/androidapps101 వంటి సైట్లలో ఆండ్రాయిడ్‌ కోర్సులు పొందవచ్చు.

బీటెక్‌ (ఐటీ) పూర్తిచేశాను. ఈ రంగంలో ఉండే ప్రభుత్వ, ప్రైవేటు ఉద్యోగాలేమిటి? సీబీఐ, ఆదాయపు పన్ను విభాగాల్లో ఉద్యోగాలకు కావాల్సిన అర్హతలేమిటి?

మీకు సివిల్‌ సర్వీసెస్‌ కాకుండా గేట్‌ ద్వారా ప్రభుత్వరంగ అండర్‌ టేకింగ్‌ సంస్థల్లో, డేటాబేస్‌ మేనేజ్‌మెంట్‌, ఐటీ, ఎంబెడెడ్‌ సిస్టం, టెలీ కమ్యూనికేషన్‌, కంప్యూటర్‌ హార్డ్‌వేర్‌- సాఫ్ట్‌వేర్‌ ఇంప్లిమెంటేషన్‌ & మెయింటెనెన్స్‌, మల్టీమీడియా, వెబ్‌డిజైన్‌, గేమింగ్‌ వంటి విభాగాల్లో ఉద్యోగావకాశాలుంటాయి. స్టాఫ్‌ సెలక్షన్‌ కమిషన్‌ నిర్వహించే కంబైన్డ్‌ గ్రాడ్యుయేట్‌ రాత పరీక్ష (టైర్‌ 1, 2) రాసి కంప్యూటర్‌ ప్రొఫిషియన్సీ టెస్ట్‌, ఇంటర్వ్యూ, స్కిల్‌ టెస్ట్‌లలో అర్హత పొంది సీబీఐ, ఆదాయపుపన్ను శాఖ, ఇతర ప్రభుత్వ ఉద్యోగాలు పొందవచ్చు. డిగ్రీ చదివి 18- 27 సంవత్సరాల లోపు (పోస్టును బట్టి) ఉన్నవారు ఈ రాతపరీక్షకు అర్హులు.
రిజర్వేషన్‌ ఉన్నవారికి వయసు సడలింపు ఉంటుంది. పూర్తి వివరాలకు http://bit.ly/1yv0pOw లో ఉన్న నోటిఫికేషన్‌ చూడండి.

కంప్యూటర్‌ సైన్స్‌లో డిప్లొమా చేసినవారు ఎటువంటి ఉద్యోగాలకు అర్హులు?

కంప్యూటర్‌ సైన్స్‌లో డిప్లొమా చేసినవారు టెక్నికల్‌ అసిస్టెంట్‌గా డీఆర్‌డీవో, ఇస్రో, భారతీయ అంతరిక్ష శాఖ, ఇతర ప్రభుత్వ రంగ సంస్థల్లో ఉద్యోగం పొందవచ్చు. రక్షణ శాఖలో కూడా మంచి అవకాశాలున్నాయి. ప్రైవేటు రంగంలో చేయాలనుకుంటే మీ అభిరుచిని బట్టి జావా, ఒరాకిల్‌, ఎంసీఎస్‌ఈ/ సీసీఎన్‌ఏ, ఆటోకాడ్‌ వంటి కోర్సులు చేస్తే మంచిది. మీకు స్తోమత ఉంటే బీటెక్‌ చేయొచ్చు. ఈసెట్‌ ద్వారా అర్హత సాధించి నేరుగా రెండో సంవత్సరంలో చేరొచ్చు. లేదా దూరవిద్య ద్వారా బీటెక్‌ చేయొచ్చు.

నాది కంప్యూటర్‌ సైన్స్‌ ఇంజినీరింగ్‌ 2013లో పూర్తి అయింది. నాకు క్లౌడ్‌ కంప్యూటింగ్‌ గురించి వివరాలు తెలుపగలరు.

అంతర్జాలం (ఇంటర్నెట్‌) ఉపయోగించి కంప్యూటర్‌, ఇతర సంబంధిత పరికరాలను ఒకేసారి వివిధ వ్యక్తులు వాడుకోవడాన్ని క్లౌడ్‌ కంప్యూటింగ్‌గా చెపుతారు. కంపెనీల్లో దీన్ని వాడడం వల్ల వనరులు, సమయం, డబ్బు ఆదా అవుతాయి. దీన్ని మూడు కేటగిరీలుగా చెప్పుకోవచ్చు.
1. Infrastructure as a Service (IaaS)
2. Platform as a Service (PaaS)
3. Software as a Service (SaaS)
మీకు ఐటీ ఆర్కిటెక్ట్‌, ఐటీ అడ్మినిస్ట్రేటర్‌/ ఐటీ కన్సల్టెంట్‌ వంటి ఉపాధి అవకాశాలుంటాయి. వీటికి సంబంధించి సిస్కో, ఐబీఎం, మైక్రోసాఫ్ట్‌, ఈఎంసీ, గూగుల్‌, వీఎం వారి సర్టిఫికేషన్‌ కోర్సులుంటాయి. భారత్‌లో క్లౌడ్‌ కంప్యూటింగ్‌ కంపెనీల కోసం http://bit.ly/1buiUXA, దీనికి సంబంధించిన కోర్సుల గురించి http://bit.ly/18MVvOX ని చూడండి.

మా అమ్మాయి బీటెక్‌ (సీఎస్‌ఈ) చేసి గత ఆరు సంవత్సరాలుగా ఒక పేరొందిన సంస్థలో సాఫ్ట్‌వేర్‌ ఇంజినీరుగా చేస్తోంది. ఇప్పుడు తాను ఐటీ రంగం వదిలి ఇంకేదైనా ఎక్కువ సంపాదనావకాశాలున్న రంగంలో చెయ్యాలనుకుంటోంది. దయచేసి సలహానివ్వగలరు.

మీ అమ్మాయి తన ప్రస్తుత స్థితి గురించి ఏమనుకుంటున్నదనేది చాలా ముఖ్యం. సాధారణంగా చేసే పనిలో నవ్యత లోపించినా, ఎక్కువ ఒత్తిడికి లోనవుతున్నా అంచనాలకు తగినట్టు అభివృద్ధి లేకపోయినా ప్రస్తుతం ఉన్న ఉద్యోగం బాగా లేదనిపిస్తుంటుంది. అటువంటి సమయాల్లో ఉన్నతవిద్య కెరియర్లో అభివృద్ధికి చాలా ఉపయోగపడుతుంది. మీ అమ్మాయి ఎంటెక్‌ కానీ ఎంబీఏ కానీ చేస్తే మంచి అవకాశాలకు ఆస్కారం ఉంటుంది. ఏ నిర్ణయమైనా గత అనుభవం ఉపయోగపడేలా అడుగు వెయ్యడం మంచిది.

సాఫ్ట్‌వేర్‌ ఇంజినీరింగ్‌లో మాస్టర్స్‌ చేస్తున్నాను. విదేశాల్లో పీహెచ్‌డీ చేయాలనుకుంటున్నాను. స్కాలర్‌షిప్‌ను అందించే మంచి విశ్వవిద్యాలయాలను తెలపండి.

మొదటగా పీహెచ్‌డీ గురించి పూర్తి వివరాలకు http://bit.ly/15s0bIT డాక్యుమెంటును చదవండి. కార్డిఫ్‌ స్కూల్‌ ఆఫ్‌ కంప్యూటర్‌ సైన్స్‌ అండ్‌ ఇన్ఫర్మాటిక్స్‌, యూకే (www.cs.cf.ac.uk); యూనివర్సిటీ ఆఫ్‌ న్యూ కాజిల్‌, ఆస్ట్రేలియా (www.newcastle.edu.au); కార్నిగె మెలన్‌ యూనివర్సిటీ, పిట్స్‌బర్గ్‌ (www.csd.cs.cmu.edu)తో పాటు మరిన్ని విశ్వవిద్యాలయాల వివరాలకు http://bit.ly/16UIsfn వెబ్‌సైట్‌ చూడండి.

బీటెక్‌ (సీఎస్‌ఈ) రెండో సంవత్సరం చదువుతున్నాను. టెక్నాలజీకి సంబంధించి కొత్త ప్రాజెక్టుల తయారీపై నాకు కొన్ని ఆలోచనలున్నాయి. శాంసంగ్‌ లాంటి కంపెనీలతో నా ఆలోచనలు పంచుకోవాలనుకుంటున్నాను. వాళ్లను ఎలా సంప్రదించాలో, ఇటువంటి కంపెనీల్లో పరిశోధనకు సంబంధించిన ఉద్యోగం సంపాదించగల అవకాశాలను తెలపండి.

ఇటువంటి ఆలోచన ఇంజినీరింగ్‌ రెండో సంవత్సరంలోనే రావడం అభినందించాల్సిన విషయం. శాంసంగ్‌ ఇండియా వారి ఆర్‌ అండ్‌ డీ కేంద్రాలు నోయిడా, బెంగళూరులో స్థాపించారు. ముందుగా మీరు వారి ప్రస్తుత, భవిష్యత్తు ప్రోడక్ట్‌, వ్యాపార ప్రణాళికను అర్థం చేసుకోవడానికి ఈ www.samsungnoidalab.com/main/about.htm వెబ్‌సైట్‌లో అన్ని పేజీలూ చదవండి. తర్వాత మీరు ఈ వెబ్‌సైట్‌ www.samsungnoidalab.com/main/register.htm ద్వారా దరఖాస్తు చేసుకోండి. ఇంకా http://linkd.in/19S2XrC వెబ్‌ లింక్‌ ద్వారా శాంసంగ్‌ నోయిడా ఆర్‌ అండ్‌ డీ సెంటర్‌లో పనిచేసే టెక్నికల్‌, హైరింగ్‌ మేనేజర్‌ని సంప్రదించి మీ దరఖాస్తు నేరుగా పంపుకోవచ్చు. ఉద్యోగం కోసం www.samsungindiasoft.com/career_opportunities.htmlwww.samsung.com/in/aboutsamsung/careers/SubmitYourResume.html లింకులను అనుసరిస్తూ దరఖాస్తు చేసుకోండి.

బీటెక్‌ (సీఎస్‌ఈ) పూర్తిచేశాను. యూఎస్‌ఏలో మాస్టర్స్‌ చేద్దామనుకుంటున్నాను. నా బ్రాంచితో సంబంధమున్న బ్రాంచీలను సూచించగలరు.

ఎంఎస్‌ కోర్సుల్లో రోబోటిక్స్‌, ఇమేజ్‌ ప్రాసెసింగ్‌, కంపైలర్స్‌, బిగ్‌ డేటా టెక్నాలజీస్‌, వెబ్‌ టెక్నాలజీస్‌, ఇన్ఫర్మేషన్‌ సైన్స్‌, నెట్‌వర్కింగ్‌ అండ్‌ ఐఓ, గేమ్‌ టెక్నాలజీ, సాఫ్ట్‌వేర్‌ ఇంజినీరింగ్‌, మెషీన్‌ లెర్నింగ్‌/ డేటా మైనింగ్‌, బిజినెస్‌ ఇంటెలిజెన్స్‌, ఎనలిటిక్స్‌ వంటివి మీకు సంబంధించిన బ్రాంచీలు. ఇక మసాచుసెట్‌ ఇన్‌స్టిట్యూట్‌, స్టాన్‌ఫర్డ్‌, కార్నెల్‌, ప్రిన్స్‌టన్‌- ఇలా ఎన్నో విశ్వవిద్యాలయాలు మాస్టర్‌ కోర్సులను నిర్వహిస్తున్నాయి. దీని తర్వాత వెబ్‌/ మొబైల్‌ టెక్నాలజీస్‌, లార్జ్‌ స్కేల్‌ డేటా ప్రాసెసింగ్‌/ డిస్ట్రిబ్యూటెడ్‌ సిస్టమ్స్‌, ఆల్‌గారిధమ్‌/ మెషీన్‌ లెర్నింగ్‌, కంపైలర్‌/ స్టోరేజ్‌/ వర్చులైజేషన్‌, ఎంటర్‌ప్రైజ్‌ సాఫ్ట్‌వేర్‌, బిజినెస్‌ ఎనలిస్ట్‌/ టెక్నాలజీ కన్సల్టెంట్‌ వంటి రంగాల్లో అవకాశాలుంటాయి.

బీటెక్‌ రెండో సంవత్సరం (ఐటీ) చదువుతున్నాను. నాకు జర్నలిజంలో ఆసక్తి ఉంది. దూరవిద్య ద్వారా మాస్‌ కమ్యూనికేషన్స్‌లో డిగ్రీ చేయాలనుకుంటున్నాను. సంబంధిత కోర్సుల వివరాలు తెలుపగలరు.

మాస్‌ కమ్యూనికేషన్‌లో ముఖ్యంగా అడ్వర్త్టెజింగ్‌, జర్నలిజం, పౌర సంబంధాలు ఉంటాయి. ఈ రంగంలో జర్నలిస్టు నుంచి ఎడిటర్‌, ఫొటోగ్రాఫర్‌, కరస్పాండెంట్‌, రిపోర్టర్‌, కాలమిస్ట్‌, న్యూస్‌రీడర్‌, రైటర్‌, యాంకర్‌, పౌర సంబంధ విభాగఅధికారి వంటి ఎన్నో అవకాశాలు ఉంటాయి. 10+2/ ఇంటర్మీడియట్‌ పూర్తిచేసినవాళ్లు మాస్‌ కమ్యూనికేషన్స్‌లో పై చదువులకు అర్హులు. ఇందులో బ్యాచిలర్‌, మాస్టర్‌ కోర్సులుంటాయి. ఇండియన్‌ ఇన్‌స్టిట్యూట్‌ ఆఫ్‌ మాస్‌ కమ్యూనికేషన్‌- న్యూఢిల్లీ, ఏషియన్‌ కాలేజ్‌ ఆఫ్‌ జర్నలిజం- చెన్నై, మఖన్‌లాల్‌ చతుర్వేది నేషనల్‌ యూనివర్శిటీ ఆఫ్‌ జర్నలిజం అండ్‌ కమ్యూనికేషన్‌- భోపాల్‌, సింబయోసిస్‌ ఇన్‌స్టిట్యూట్‌ ఆఫ్‌ మాస్‌ కమ్యూనికేషన్‌-పుణె మొదలైనవి ప్రముఖమైనవి.

నేను పీహెచ్‌డీ (ఐటీ) దూరవిద్యలోనే చేయాలనుకుంటున్నాను. మహాత్మాగాంధీ యూనివర్సిటీ, మేఘాలయ లాంటి యూనివర్సిటీల్లో చేయవచ్చా?

పీహెచ్‌డీ అనేది కేవలం పేపర్‌ డిగ్రీ కోసం కాకుండా ఇష్టమైన అంశం ఎంచుకుని, శ్రద్ధతో పరిశోధించి కొత్త విషయాలు కనిపెట్టడం. ఇది మంచి క్యాంపస్‌లో చేయడానికి నెట్‌ పాసై ఉండాలి. కొన్ని ప్రైవేటు విశ్వవిద్యాలయాలు నెట్‌ అర్హత లేకున్నా పీహెచ్‌డీకి అవకాశం కల్పిస్తున్నాయి గానీ వాటిలో చేరకపోవడమే మంచిది. అసలు పీహెచ్‌డీ అంటే ఏంటి, ఎందుకు చేయాలో తెలుసుకోవాలంటే http:// bit.ly/15s0biT వెబ్‌సైట్‌ని చూడండి.

2011లో బీటెక్‌(సీఎస్‌ఈ) పూర్తిచేశాను. సాఫ్ట్‌వేర్‌ టెస్టింగ్‌, ఒరాకిల్‌ కోర్సులు చేశాను. ఇంకా ఉద్యోగం రాలేదు. నౌక్రీ, మాన్‌స్టర్‌ పోర్టల్స్‌లో నా రెజ్యూమేని అప్‌లోడ్‌ చేశాను. నాకు కంపెనీలను ఎలా సంప్రదించాలో తెలియడం లేదు.

మీకు బాగా ఇష్టమున్న సబ్జెక్టును ఎంచుకుని, ముందుకు సాగాలి. మొదట C, C++, C# లో పరిజ్ఞానం పెంపొందించుకోండి. జాబ్‌పోర్టళ్ళ వల్ల అంత ఫలితం ఉండకపోవచ్చు. దరఖాస్తును హెచ్‌ఆర్‌కి పంపటంతో పాటు హైరింగ్‌ మేనేజర్‌ని (సోషల్‌మీడియా సైట్స్‌ ద్వారా తెలుసుకుని) సంప్రదించటం మంచిది. బ్లాగులో రాస్తూ ఆ వెబ్‌లింకును రెక్రూటర్‌కి పంపాలి. గూగుల్‌ అలర్ట్స్‌ ద్వారా స్టార్టప్‌ కంపెనీల గురించి తెలుసుకుంటూవుండాలి.

బీటెక్‌ (ఐటీ) నాలుగో సంవత్సరం చదువుతున్నాను. 3వ సంవత్సరం దాకా 65 శాతం మార్కులే వచ్చాయి. నా భవిష్యత్తుపై ఆందోళనగా ఉంది.

మార్కుల శాతం గురించి దిగులుపడకండి. ఎందుకంటే కేవలం మార్కులని చూసి ఉద్యోగాలకు సరిపోతారో లేదో అనేది కచ్చితంగా ఎవరూ అంచనా వేయలేరు. మీకు నచ్చిన ఏరియాని నిర్ణయించుకుని దానిపై నైపుణ్యం మెరుగుపర్చుకోండి.
ఉదాహరణకు ఐటీపై ఇష్టం ఉంది కాబట్టి http://bit.ly/Yk14iWలాంటి ఫోరం నుంచి మీరు Algorithmic Trading Forumలో జాయినై ఎన్నో విషయాలు నిపుణుల నుంచి తెలుసుకోవచ్చు. ప్రాజెక్టును చిన్న చిన్న కంపెనీల్లో చేయండి. డమ్మీగా కాకుండా మనస్ఫూర్తిగా ఇష్టపడి ఎంచుకున్న ఏరియా గురించి తెలుసుకోవాలని ప్రయత్నించండి. తద్వారా అదే కంపెనీలో లేదా inoxAppsలాంటి స్టార్టప్‌ కంపెనీలు మార్కులని బట్టి కాకుండా మీరు ఆ కంపెనీలకు ఏమి చేయగలరో అనే దాన్నిబట్టి మీకు ఉద్యోగావకాశం కల్పించవచ్చు.

నేను ఓ ఇంజినీరింగ్‌ కళాశాలలో కంప్యూటర్‌ సైన్స్‌ చదువుతున్నాను. తర్వాత ఎలాంటి కోర్సులు చేయాలో తెలపండి.

ఏదో ఒక ఐటీ శిక్షణ సంస్థలో చేరటం కన్నా సెల్ఫ్‌ లెర్నింగ్‌ మోడ్‌లో ఎంతో నేర్చుకోవచ్చు. https://www.udacity.com/coursesలాంటి వెబ్‌సైట్‌ చూసినట్టయితే స్వయంగా గేమ్‌ ప్రోగ్రామింగ్‌ నైపుణ్యాలను మెరుగుపర్చుకోవచ్చు.
ఇంకా తక్కువ ఖర్చుతో iOS Apps వంటివి iphone, iPads డెవలప్‌ చేయడానికి నేర్చుకోవాలంటే http://bit/ly./Zp8miYలో వివరాలు లభ్యమవుతాయి.

కంప్యూటర్‌ సైన్స్‌ ఇంజినీరింగ్‌ చివరి సంవత్సరం చదువుతున్నాను. బిట్స్‌లో ఎంటెక్‌ చేయాలని అనుకుంటున్నాను. వివరాలు తెలపండి.

మీకు బీటెక్‌లో 60శాతం మార్కులు ఉంటే బిట్స్‌లో ఎంఈ- సాఫ్ట్‌వేర్‌ సిస్టం లేదా ఎంటెక్‌- ఇన్ఫర్మేషన్‌ సిస్టం చేయవచ్చు. దీనికి బిట్స్‌ నిర్వహించే ప్రవేశపరీక్ష రాయాల్సి ఉంటుంది. ఇందులో అర్హత పొందాక పర్సనల్‌ ఇంటర్వ్యూ కూడా ఉంటుంది. ఈ రెండింటిలో ఉత్తీర్ణత సాధిస్తేనే ప్రవేశం దొరుకుతుంది. నోటిఫికేషన్‌, మరిన్ని వివరాలకు ఈ వెబ్‌సైట్‌ గమనిస్తూ ఉండండి. http://www.bitsadmission.com/.

ఇంజినీరింగ్‌ 2012లో పూర్తి చేశాను. సాఫ్ట్‌వేర్‌ ఇంజినీర్‌గా బెంగళూరులో సెటిల్‌ అవాలని ఉంది.MNC కంపెనీలోwalk-inఇంటర్వ్యూలు ఎక్కడ అవుతున్నాయో చెప్పండి.

మీరు తెలుసుకోవాల్సింది ఏంటంటే MNCకంపెనీలో కంటే మంచి స్టార్ట్‌ అప్‌ కంపెనీలో ప్రయత్నించండి. ఎందుకంటే మొదటి ఉద్యోగంMNCలో అయితే మీరు నేర్చుకోవడానికి ఎంతో స్కోప్‌ ఉండదు. 2-3 ఏళ్ల అనుభవం వచ్చాక అపుడు మీరు అందులో ప్రయత్నించడం మంచిది. Walk-in ఇంటర్వ్యూలు కాకుండా కంపెనీల గురించి తెలుసుకుని, అందులోని ప్రాజెక్ట్‌ లేదా టెక్నికల్‌ మేనేజర్‌ని Linkedin లాంటి సోషల్‌ మీడియా ద్వారా కలుసుకుని మీ నైపుణ్యాలు ప్రదర్శించి ఉద్యోగం సాధించొచ్చు.

కంప్యూటర్‌ సైన్స్‌ ఇంజినీరింగ్‌ 2013లో పూర్తవుతుంది. కానీ మా సీనియర్లను చూశాక నాకు కెరియర్‌పై చాలా భయంగా ఉంది. నేను ఇప్పుడు ఏమి చేయాలి?

సీనియర్లు పడే కష్టాలను గమనించి ముందు జాగ్రత్తలు తీసుకోవాలనుకోవడం చాలా మంచిది. ఫైనాన్షియల్‌ ఇంజినీరింగ్‌ అప్లికేషన్‌ రంగంలో ప్రోగ్రామింగ్‌ కొడ్ రాసే వాళ్లకు కు చాలా భవిష్యత్తు ఉంది. ఎప్పుడూ ఇంజినీరింగ్‌ చివరిదశలో కాకుండా ఇంటర్న్‌షిప్‌ నుంచే కెరియర్‌ గురించి ఆలోచించాలి. మీరు బ్లాగును మొదలుపెట్టి దానిలో మంచి ప్రోగ్రామింగ్‌ స్క్రిప్ట్స్‌ రాస్తే సి.వి. సంగతిని ఎవరూ పెద్దగా పట్టించుకోరు. ఆసక్తి ఉంటే ఫైనాన్షియల్‌ ఇంజినీరింగ్‌ అప్లికేషన్‌ రంగంపై దృష్టి సారించండి.

ప్రోగ్రామింగ్‌ అంటే నాకు చాలా ఇష్టం. కానీ ఇంటర్వ్యూలకు హాజరు కావాలంటే భయం. ఎందుకంటే నేను ఇంగ్లిష్‌లో సరిగా మాట్లాడలేను. నా కంప్యూటర్‌ సైన్స్‌ ఇంజినీరింగ్‌ 2013లో పూర్తవుతుంది.

ఇంగ్లిష్‌లో సరిగా మాట్లాడలేకపోతున్నందుకు బాధపడనవసరం లేదు. కోడింగ్‌పై ఉన్న నైపుణ్యాలను చూపిస్తే అప్పుడు మీకు ఆంగ్లం అడ్డు రాదు. కమ్యూనికేషన్‌, ఇంగ్లిష్‌ ఒకటి కాదు. 'నేను ఇంగ్లిష్‌ అర్థం చేసుకుంటాను. ధారాళంగా మాట్లాడటం నేర్చుకుంటాను' అని చెప్పొచ్చు.క్రమంగా మెరుగుపరుచుకోవచ్చు. ఎంతోమంది తమ సాంకేతిక నైపుణ్యాలను ఉపయోగించి కెరియర్‌లో వృద్ధి చెందారు. స్పోకెన్‌ ఇంగ్లిష్‌ ఇన్‌స్టిట్యూట్లలో చేరినంతమాత్రానే ఇంగ్లిష్‌ రాదు. రోజూ ఇంగ్లిష్‌లో సంభాషించటం అలవాటు చేసుకోవటం ముఖ్యం.

Pages